مات القلب بغيابك

وينك يا حبيب الروح
انه ما غمضت عيني بغيابك
وينك وين الدهر وداك
وينك ما تذكر احبابك
وينك يا عديل الروح
انه روحي فدوى لترابك
انه الي جنت اقول اخ
لو الم يوم صابك
وحيد ابكي والحزن دق بابي
واموت لو الحزن بيوم دق بابك
ارتجي ريحتك مو لاقيها اليوم
ورحت اليوم اشم ريحتك باصحابك
روحي صرت ارددها مثل مجنون
واحلم اني اغفى تحت اهدابك
يا ريت يجرالي كل الضيم
ولا اشوف شي يجرى بك
حبيبي هذا القلب بيه انات
احبك وتحبني والقلب يدرى بك
اتعذب ما همني العذاب
بس لا تشوف عيني عذابك
تهاجر وتخليني وحيد الروح
بس اشوفك من بعيد واحيى بك
غريب انه عشت بعدك
وغريب انته بعالم اغرابك
جمله انته وعجزت الاعراب
بيوم توصل اعرابك
كتاب انته وعجزت القراء
تكتب لو كلمه بكتابك
مطرت علي الغيوم دموع
ومطر ما اريد من غير سحابك
احبك اقولها وانه مشنوق
احبك لو تنبت بظهري حرابك
احبك ما اتنازل عنها بيوم
لو اجتمعوا على كل اهلك واقرابك
وعد مني لك يا حبيب الروح
ما اقولها لغيرك وان ما صابك
واريد وعد منك يا حياة الروح
اني لو متت تحضني بترابك

روح هواها
فاينك ياروح روحي

بقلمي

روح هواها
رائع ما كتبه قلمك
والله لا يحرمك من موت القلب
والله يرجعه لك شافي معافي
تقبل مروري

سولف كول الك واهس تظل وياي
واذا ما الك واهس كول لا تخجل
ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل

» آشراقة في النفس~~ ويقظة في القلب